Unni Boksasp til Surnadal

I april 2012 legg Unni Boksasp ut på turne att, der ho saman med ensemblet sitt presenterer heilt nytt og nyskreve materiale. Både tekster og melodiar er nye, skreve av Boksasp sjølv, i same frodige, skeive, svingande og freidige stil som før. Ny norsk folkemusikk - ærleg, personleg og humoristisk. Alt på nordmørsdialekt.

Unni Boksasp Ensemble har etter kort tid segla fram som eit av landets framste folkemusikkgrupper. Ikkje så rart kanskje, når alle musikarane er plukka frå øverste hylle: Trygve Brøske (trøorgel), Jorun Marie Kvernberg (div feler), Petter Berndalen (perkusjon), Magne Vestrum (kontrabass), Olav L. Mjelva (div feler) og Unni Boksasp sjølv på song og zitter. Ensmblet blir ofte omtala som eit fyrverkeri av eit liveband. Det blir aldri kjedeleg på konsert med Unni Boksasp Ensemble! Svein Andersen i Aftenposten skriv:

"Det oser overskudd og spilleglede av Keramello når Unni Boksasp Ensemble slipper seg løs. Dette er humørfylt folkemusikk som gjennom utsøkte arrangementer oppleves som et gedigent festmåltid. Vel er dette folkemusikk fra en nær fortid, men på ingen måte tilårskommen musikk av den grunn. Gruppen er svært lydhør for de minste detaljer i den enkelte sang, og briljerer fantasifullt og sikkert. Sangeren Unni Boksasp og hennes ensemble har kommet opp med et lekent, livsbejaende og fengende album fullt av humør. Dette er musikk det er lett å bli med på, enten i livlig dans eller å stemme i sangen. Man kan også sette seg tilbake og bare nyte artisteriet. En sikker vinner på spilleren ved neste fest, eller kanskje aller best: Oppsøk neste konsert med gjengen".
 

Laurdag 14.april kjem ho altså til Surnadal Kultuhus. Kjøp billettar her.