Vann sin klasse i Skardilten

Skardilten vart laurdag arrangert i Molde under til dels vanskelege vindforhold. Eivind Sponås fortel til Surnadal IL si heimeside at rennet vart gjennomført ved at løparane gjekk fire rundar på 10 kilometer. Surnadal IL-deltakarane gjekk svært bra: Forutan klasseseier til Styrkår Brørs (bildet) i M76+, vart Jan Gausen nummer 2 i same klasse. Gunn Sande Holtan vart nr. 3 i K36-40, medan søster Mette Sande vart nr. 2 i K41-45. Eskil Sørvik vart nr. 15 i M41-45, medan Gunnar Bøe vart nr. 20 i same klasse.