.png)
Delvis stengt i dag, åpner fredag
Vasslekkasje i Rindalshuset
Vi meldte tidlegare at Rindalshuset er stengt i dag. Grunnen er vasslekkasje etter regnet siste døgn og at arbeidet med å legge ny membran på taket ikkje var ferdig på vestdelen av taket. Bård Magne Sande seier til Trollheimsporten at han satsar alt på at dei kan åpne i morgon! Sjå Rindal kommune!
Sande beklagar sterkt stenginga, men tettinga er i gang. Da Trollheimsporten besøkte Rindalshuset i dag, rekna vi 12 dråppåbøtter rundt om på golvet i vestibylen. I tillegg kom det vatn over kjøkkenet.
Takreperasjon på Rindalshuset er i godt gjenge, og dei tre andre taksidene har fått ny membran, men vestdelen var altså ikkje ferdig til dette våte døgnet. Bård Magne Sande understrekar at Rindalshuset skal bli tett og bli det ressurssentret og den samlingsplassen det har vore! Arbeidet med taket og legginga av ny torv skal gjere at bygget igjen glir godt inn i miljøet. Og alt er kvalitetssikra av Byggforsk og Sintef.
