Vilkårsrevisjon Surna

Kommunestyret i Surnadal hadde i går krav om vilkårsrevisjon for statsreguleringa av Folla-Vindøla vassdraga. Den same saka er og til behandling i Rindal. Verken kommunane eller elveinteressene ville skrive under ny avtale med Statkraft om Surna.

- Denne saka er lagt fram lik eins i Surnadal og Rindal. Vi har arbeidd svært godt i lag i og vi skal få til ein omfattande og god revisjon. Dette er ei svært viktig sak, sa ordførar Mons Otnes (Ap) da Surnadal kommunestyre i går vedtok denne revisjonen.n

Surnadal og Rindal kommunar skal i fellesskap og på vegne av almenne interesser og verdiar kreve revisjon av gjeldande konsesjonsvilkår i Folla-Vindøla-reguleringa av 21.12.1962. Dette arbeidet skal samkjørast med utarbeiding av forvaltningsplan etter vassforvaltningsforskrifta.

 

Ansvaret for arbeidet organiserast slik:
Styringsgruppe: Ordførarar og rådmenn i Rindal og Surnadal kommunar.
Arbeidsgruppe: Konsulent Tor Ziegler, Bodil Gjeldnes (Surnadal kommune), Vebjørn Knarrum (Rindal kommune), 1 representant frå Surnadal elveeigarlag, 1 representant frå Rindal elvalag, 1 representant frå Samarbeidsorganet for Surna.
Referansegruppe: Breitt samansett for best mogleg kontakt med almenne interesser. Referansegruppa oppnemnast av styringsgruppa. Tor Ziegler blir leigd inn som konsulent i arbeidet og ein skal tilstrebe mest mogleg ekstern
finansiering. Midlar frå Surnadal kommune sitt næringsfond kan også nyttast etter eigne vedtak i Surnadal formannskap.
Hovedmålet med den delen av arbeidet som gjeld krav om revisjon av eksisterande vilkår i konsesjonen til Folla-Vindøla-reguleringa skal vere å styrke laks- og sjøaurestammane i Surnavassdraget, samstundes som at vassdraget og nedslagsfeltet skal gi grunnlag for bærekraftig kraftproduksjon.

Klikk her og sjå heile saksframlegget og historikken i saka.