.png)
Bæverfjord i.l.-kalendrane i salg!
Også i år har Bæverfjord idrettslag fått laga kalendrar for komande år. No er kalendrane for 2013, litt forseinka, endeleg her! Som i fjor har kalendrane motiv av utøvarar som har vore aktive både innan konkurranse og trim det siste året, så her er det mykje kjentfolk å sjå. Det er også med nokre naturmotiv frå bygda. Det vil koma kalenderseljarar rundt om i grendene, og idrettslaget håpar også å få lagt ut nokre eksemplar på butikkane. Dette må vera den perfekte julegåva til den som har alt, og som på eitt eller anna vis har tilknytning til bygda!
Leiar i Bæverfjord i.l., Magne Sollid, er fornøgd med no endeleg å kunne tilby nye, flotte idrettslagskalendrar for 2013. Foto: Norunn Holten
Det er fotballspelarane på 10-årslaget som saman med knøttar og langrennsløparar skal stå for salget i grendene. Ta kontakt med dei om du ønskjer kalendrar. Dei kostar 100 kroner stykket, så da gjeld det å ha skaffa seg kontantar før dei kjem! Styret i Bæverfjord i.l. oppfordrar bygdefolket til å slå fleire fluer i ein smekk: Få ein flott kalender på veggen eller som til gåve og gi kjærkomen støtte til idrettslaget samtidig.
| Namn | Geografisk område |
| Noa og Abel | Bøverdalen (ovanfor skulen) |
| Emilie, Jon Inge, Kjell Arne og Mia | Åsskard |
| Arnstein | Naustvegen og Vollavegen |
| Gunn Astrid og Nils Edin | Gjerdahaugen |
| Mira | Sentrum Bæverfjord (Strandly t.o.m. skulen) |
| Hans og Daniel | Belan (f.o.m. Gøran Rønning t.o.m. Belamyran) |
| Markus | Korsvika- Solemen |
