.png)
Kjøtthistorie på museet
På Bøfjorden Sjøbruksmuseum søndag kåserer Andreas Sandvik om nordmørsk slakterihistorie. Han skriv no boka «Med kjøtt på beinet», som kjem ut neste år.
- I løpet av 80 år har kjøttbransjen gått frå private småaktører til bondesamvirke og større selskap. Tidlegare lokal produksjon er industrialisert og sentralisert, seier Sandvik, som i fotokåseri skisserer denne utviklinga på Nordmøre.
Sia 2009 har han samla stoff om slaktarverksemda i Kristiansund og på Nordmøre, medrekna oversikt over bygdeslaktarane og deira drift.
Søndag gir han utdrag frå historia frå 1870 til i dag. Folk i salen har sikkert også bidrag – som i så fall kan berike den komande boka.
Ingressbildet: Frå kjøttmatforretninga O.M. Jakobsen på Surnadalsøra. Bak disken Sverre og Margot Sjøflot.
Tekst/foto: Bernt Bøe
