Rindalspensjonistar på tur til Østersund.

Neste dag kom med strålande ver. Hovedprogrammet denne dagen var besøk på Jamtli, Jemtlands lens museum. Billettane her var sponsa av «Den kulturelle spaserstokken» Vi kom rett inn i Jamtli Historieland. Vi starta på torget i Østersund i 1895 og vart leidde gjennom fleire hundreår i den flotte friluftsavdelinga på museet. På torget var det ei krambu der ein kunne kjøpe alt frå kongenavdanmarkdrops til kaffeservise i miniformat.

På turen var vi mellom anna innom ein lensmannsgard frå 1700-talet. Lensmannen kalla inn til eksersis. Det gjaldt å vere budd på åtak frå fienden. Lensmannen var ikkje nådig da han oppdaga at alle kom utan våpen, men staur fekk gjere nytta. Vi gjorde eit langt hopp til 1940-talet og kom inn på eit Per Albin-torp, bureisingsbruk. Her kunne vi som har levd ei stund kjenne oss att. Husmora kokte kålsuppe, og dei laut ta imot flyktningebarn frå Finland. På bensinstasjonen frå 1956 vakte ein fin Volvo Amazon interesse.

Museet har og ei flott innandørsavdeling som viser historia til Jemtland heilt frå steinalder til vår tid. Ein stor attraksjon er Øverhogdalsbonadarna, ein 40 meter lang billedvev i lin og ull frå vikingtida. Den vart attfunnen først på 1900-talet. Etter middag på hotellet vart det busstur til Frøsøn med stopp ved Frøsø kyrka. Her fekk vi eit flott utsyn over Storsjøn og landskapet omkring.

Etter frukost 16.08. bar det på heimveg. Første stopp var i Funesdalen. Her var det fleire butikkar, så det var mange som nytta høvet til ein siste «svenskehandel». Neste stopp var Røros. Vi var ein dag for seint ute til å få kome inn i Røros kirke, men det var mykje av interesse å sjå likevel, før vi laut søkje ly for regnet. Før vi forlet Røros, var vi samla til middagsbuffet på «Gør go» ved Doktortjønna. Maten var verkeleg «gør go». Utpå kvelden var vi heime i Rindal etter ein fin tur med ein alle tiders sjåfør.

Tekst Ann Grimsmo, bilde Ann Grimsmo og Ragnhild Stavne Bolme

Klikk på bildene for å se dem større og i serie: