.png)
Viser, potet og prest
Potetnattvore er ein tradisjon kvar haust på muséet i Rindal, og torsdag kveld var kaféen på Rindal Skimuseum full av potettilhengarar. Som forrett fekk vi ein stor halvtime med Dan Anderssonviser.
Tidlegare sokneprest i Rindal, Ola Garli, har studert Dan Andersson sin lyrikk og viser, og han har reist rundt og presentert viseskatten til denne svenske ordkunstnaren. Torsdag kveld fortalde Garli om livet hans og delte viser med forsamlinga på Rindal Skimuseum. Garli har til og med tonsett ei av visene hans. Han fekk også med seg forsamlinga på allsong både av Jungman Jansson og av Jag väntar vid min stockeld.
Ola Garli song seg varm og kasta jakka. Da avslørte han den raude skjorta han hadde kjøpt på veg til Rindal til ære for Dan Andersson.
Det var venneforeninga ved muséet som stod for arrangementet og serverte perfekt salta poteter med godt smør og surmjølk til forsamlinga, altså potetnattvore.
Garli prøver seg som potetprest!
Ingen tvil - folk forsynte seg godt og kosa seg med potetnattvoren.
